Plantun de Prouvènço

Pèr coumpara dos planto d'encò nostre

Chara aspera & Carex lepidocarpa

Chara aspera

Characeae

Noms en français : Chara rugeuse, Charagne.

Descripcioun :
Li grato soun d'augo que trachisson dins lis aigo lindo e cauquiero. Aquesto, pulèu coumuno en Camargo, èi cuberto de pichot pougnoun (aciculo). Lis anteridìo aranjo se vèson bèn sus li pèd mascle. Es uno meno de l'an que disparèis à l'autouno.

Usanço :
Couneissèn pas d'usanço pèr l'ome. Li canard e fóuco la manjon d'aise.

Port : Erbo
Taio : 10 à 40 cm
Fueio : filouïdo
Tipe bioulougico : Idroufite
Cicle bioulougico : Planto de l'an

Gènre : Chara
Famiho : Characeae

Coulour de la flour :
Petalo : ges de flour
Ø (o loungour) flour : ges de flour
Flourido : Printèms - Estiéu

Sòu : Ca
Autour basso e auto : 0 à 10 m
Aparado : Noun
Remarco : Augo
Abriéu à juliet

Liò : Aigo - Palun - Limas
Estànci : Termoumediterran à Mesoumediterran
Couroulougi : Cousmoupoulito
Ref. sc. : Chara aspera Willd., 1809

Queirello(-di-poulit-fru)

Carex lepidocarpa

Cyperaceae

Àutri noum : Moutouso, Sagneto.

Nom en français : Laiche à beaux fruits.

Descripcioun :
La queirello-di-poulit-fru trachis en mato dins li palun de mountagno sus cauquié. Fai partido dóu group di Carex pulèu pichot qu'an uno espigueto (en generau) masclo e 2 à 6 espigueto femello. Èi proche di meno viridula e demissa emé si fueio estrecho e sis utriculo sarrado emé un bè di dos dènt e rufe emé tres estigmate. Se n'en destrìo pamens que soun espigueto masclo èi pourtado pèr un pecou pu long que l'espigueto femello d'à coustat (fotò) e peréu que li bè dis utriculo soun torso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 40(60) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 7 à 10 mm
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Juliet à avoust

Liò : Palun - Bas-palun
Estànci : Mountagnard à Aupen
Couroulougi : Anfiatlantico
Ref. sc. : Carex lepidocarpa Tausch, 1834 (= Carex viridula subsp. brachyrrhyncha (Celak.) B.Schmid, 1983 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

ges

Chara aspera & Carex lepidocarpa

ges

RRR

ges

Coumpara Grato(-rufo) emé uno autro planto

Coumpara Queirello(-di-poulit-fru) emé uno autro planto